Panuntunan 12, 13, 14, 15, 16, at 17

Akomodasyon

Panuntunan 12

1. Kung ang tulugan ay nasa mga indibidwal na selda o silid, ang bawat bilanggo ay dapat mag-okupa sa gabi ng isang selda o silid nang mag-isa. Kung sa mga espesyal na kadahilanan, tulad ng pansamantalang ala-sardinas na sikip, kinakailangan para sa sentral na administrasyon ng bilangguan na gumawa ng eksepsiyon sa panuntunang ito, hindi magandang magkaroon ng dalawang bilanggo sa isang selda o silid.

2. Kung ang mga dormitoryo ay ginagamit, ang mga ito ay dapat okupahan ng mga bilanggong maingat na pinili upang angkop na makahalubilo sa isa't isa sa mga kalagayang iyon. Magkakaroon ng regular na pangangasiwa sa gabi, alinsunod sa kalagayan ng bilangguan.

Panuntunan 13

Lahat ng akomodasyong inilaan upang gamitin ng mga bilanggo at lalo na ang lahat ng tulugan ay dapat matugunan ang lahat ng pangangailangan sa kalusugan, na isinasaalang-alang ang mga kondisyon ng klima at lalo na ang kubiko na nilalaman ng hangin, minimum na espasyo sa sahig, ilaw, pagpapainit at bentilasyon.

Panuntunan 14

Sa lahat ng lugar kung saan kinakailangang manirahan o magtrabaho ang mga bilanggo:

(a) Ang mga bintana ay dapat sapat ang laki upang makapagbasa o makapagtrabaho ang mga bilanggo sa pamamagitan ng natural na liwanag at dapat itayo sa paraang makapasok ang sariwang hangin, mayroon man o walang artipisyal na bentilasyon;

(b) Ang artipisyal na liwanag ay dapat ibigay nang sapat para makapagbasa o makapagtrabaho ang mga bilanggo nang walang pinsala sa paningin.

Panuntunan 15

Ang mga instalasyong malinis ay dapat sapat upang ang bawat bilanggo ay makasunod sa mga pangangailangan ng kalikasan kung kinakailangan at sa malinis at disenteng paraan.

Panuntunan 16

Ang sapat na mga paliguan at instalasyon ng shower ay dapat ibigay upang ang bawat bilanggo ay maaari, at maaaring kailanganing, maligo o mag-shower, sa temperaturang angkop sa klima, nang madalas hangga't kinakailangan para sa pangkalahatang kalinisan ayon sa panahon at rehiyong heyograpikal, ngunit hindi bababa sa isang beses sa isang linggo sa isang katamtamang klima.

Panuntunan 17

Dapat maayos na mapanatili ang lahat ng bahagi ng isang bilangguang regular na ginagamit ng mga bilanggo at panatilihing malinis sa lahat ng oras.